ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН УСНЫ ТҮВШНИЙ ТОЙМ МЭДЭЭ

ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН

УСНЫ ТҮВШНИЙ ТОЙМ МЭДЭЭ

       2023 оны 7 дугаар сарын 16-ны өдрийн байдлаар

Ойрын өдрүүдэд орсон борооны улмаас  голуудын усны түвшин эрс нэмэгдэж Орхон, Хөгшин-Орхон голууд Хархорин сумын орчмоор ҮЕРИЙН АЮУЛТАЙ ТҮВШИН-г давж үерлэж байгаа тул ҮЕР УСНЫ АЮУЛААС сэрэмжтэй байхыг анхааруулж байна!

Хангай нурууны зүүн хойд хажуугаас эхтэй Орхон гол Бат-Өлзий сум орчим усны түвшин  ҮЕРИЙН ТҮВШИНЭЭС 3 см их байгаа бол Хархорин сумын орчим усны түвшин ҮЕРИЙН АЮУЛТАЙ ТҮВШИНЭЭС 7 см давж үерлэж байна.

        Хангай нурууны өврөөс эхтэй Онги гол Уянга сумын орчим олон жилийн дунджаас 25 см их, усны дундаж гүн 40-65 см бол ОНГИ гол  АРВАЙХЭЭР сумын орчим усны түвшин ҮЕРИЙН ТҮВШИНЭЭС 9 см бага байна.  

       Хангай нурууны өвөр хажуугаас усжих Таац гол Нарийнтээл сумын орчим  усны түвшин олон жилийн дунджийн орчим, усны гүн дунджаар 40-45 см байна.

        Сангийн далай нуураас эхтэй Зэгстэй гол Өлзийт сум орчим усны түвшин ҮЕРИЙН  ТҮВШИНЭЭС 14 см давж үерлэж байна. ХӨГШИН-ОРХОН гол  Хархорин сумын орчим усны түвшин ҮЕРИЙН АЮУЛТАЙ ТҮВШИНЭЭС 26 см давж үерлэж байна.

ӨВӨРХАНГАЙ АЙМАГ. УЦУОШТӨВ

УС СУДЛАЛЫН САЛБАР